Министрликтин маданият мекемелеринин жетекчилери үчүн окутуу өткөрүлдү
Министрликтин маданият мекемелеринин жетекчилери үчүн окутуу өткөрүлдү, деп кабарлайт Маданият, маалымат, спорт жана жаштар саясаты министрлигинин басма сөз кызматы.
Окутуу 12-февралда Улуттук тарых музейинде Маданият, маалымат, спорт жана жаштар саясаты министринин орун басары Гүлбара Абдыкалыкованын катышуусунда райондук жана шаардык маданият бөлүмдөрүнүн жетекчилерине, музейлердин жана китепканалардын , жогорку жана кесиптик орто окуу жайларынын, балдар музыкалык, искусство жана көркөм өнөр мектептеринин, театралдык оюн-зоок мекемелеринин директорлоруна өткөрүлдү.
- Тренинг суроо-жооп форматында өтүп, төмөнкү темаларды камтыды:
- Бюджетти пландоо жана аткаруу
- Жаңы борборлоштурулган бухгалтердик эсеп тутуму
- Ченемдик укуктук актылар
- Коррупцияга каршы аракеттенүү чөйрөсүндөгү Кыргыз Республикасынын айрым мыйзам актыларына киргизилген өзгөртүүлөрү жана 2025-2030-жылдарга Кыргыз Республикасында коррупцияга каршы аракеттенүү боюнча мамлекеттик стратегиянын негизги жоболору менен тааныштуруу”.
Окутуу эки күнгө пландаштырылып, анда маданий мекемелердин жетекчилеринин уюштуруу иштеринин бардык темалары каралат.