Чүй облустук театры Талас шаарында эки спектакль коет 

2026-жылдын 21–22-октябрында Шаршен Термечиков атындагы Чүй облустук музыкалык драма жана сатира театры Талас шаарында гастролдук иш-чараларды өткөрөт.

Маданият министрлигинен кабарлашкандай, гастролдун алкагында көрүүчүлөргө эки спектакль сунушталат.

21-октябрда белгилүү драматург Мар Байжиевдин чыгармасынын негизинде коюлган «Кыз-күйөө» драмасы көрсөтүлөт. Спектаклде адам тагдыры, үй-бүлөлүк мамилелер жана турмуштук баалуулуктар темалары чагылдырылат.

22-октябрда көрүүчүлөрдүн назарына «Сексендеги Сейненин 80-дискотекасы» комедиясы тартууланат.

Спектаклдер Капар Медетбеков атындагы Талас облустук музыкалык драма театрында өтөт.

Гастролдун максаты — театр искусствосун аймактарда жайылтуу, калктын маданий жашоосун байытуу жана театрлар аралык чыгармачылык байланышты бекемдөө.

Талас шаарынын тургундары 21–22-октябрь күндөрү Капар Медетбеков атындагы Талас облустук музыкалык драма театрында өтө турган спектаклдерди көрө алышат.