Нурзат Нуртаева Азия чемпионатынын коло медалын жеңди

10-апрелде Бишкекте өтүп жаткан спорттук күрөш боюнча Азия чемпионатынын алкагында Кыргызстандын кыз-келиндер күрөшү боюнча балбан Нурзат Нуртаева 3-орунду ээлеп, коло медалга татыды.

Нурзат 72 кг чейинки салмакта күч сынашып, чейрек финалда Кореянын өкүлү Субин Кимди 10:0 эсебинде ишенимдүү жеңген.

Жарым финалдык баскычта Кытайлык Жиа Лонгго 0:11 эсебинде жеңилип калган.

Коло медаль үчүн күрөштө Монголиялык Эрдене Очирди менен 2:0 эсебинде артта калтырды.