Кыргызстандык балбан Альхам Абдирасулов дүйнө биринчилигинин финалына чыкты

Кыргызстандык балбан Альхам Абдирасулов Грециянын Афина шаарында өтүп жаткан спорттук күрөштүн 17 жашка чейинки балбандар арасындагы грек-рим күрөшү боюнча дүйнө биринчилигинин (U-17) финалына чыкты.

Ал 55 кг салмак категориясында өлкө намысын коргоп жатат. Алтын байге үчүн болгон чечүүчү финалдык беттеште казакстандык Нурали Аскар менен күрөшөт.

Эске салсак, Альхам Абдирасулов кечээ, 28-июлда индиялык Адитья Гуптаны 6:5 эсебинде жеңип, турнирдин финалына жолдомо алган.

Финалдык беттештер бүгүн, 29-июлда Бишкек убактысы боюнча саат 21:00дө башталат.