Кыргызстандык калыстар АФКнын элиталык калыстары үчүн семинарына катышты 

Кыргызстандын ФИФА калыстары Азия футбол конфедерациясынын элиталык калыстары үчүн уюштурулган семинарга катышты. Бул тууралуу Кыргыз футбол биримдигинен кабарлашты. 

Иш-чара Катардын Доха шаарында жана Түштүк Кореянын Сеул шаарында өтүп, ага бир нече кыргызстандык калыстар чакырылды.

Алар:

• Нурзат Абдыкадыров,
• Зайниддин Алимов,
• Санжар Жакыпбеков,
• Медербек Тайчиев,
• Вероника Бернацкая.

Семинардын жүрүшүндө теориялык сабактар менен катар практикалык машыгуулар өткөрүлүп, анын соңунда катышуучулар физикалык даярдыгын текшерүү үчүн атайын фитнес тест тапшырышты. Бул семинар ата-мекендик калыстары үчүн чоң мааниге ээ болуп, алардын эл аралык деңгээлдеги тажрыйбасын арттырууга жардам берди.