Өзбекстан Лос-Анжелесте болчу Паралимпиада оюндарына даярданууну баштады

Өзбекстан президентинин Офисинин басма сөз кызматы маалымдагандай, иш чарага Улуттук паралимпиада комитетинин жана спорт федерациясынын жетекчилиги, спортчулардын ата-энелери, мамлекеттик жана коомдук уюмдардын өкүлдөрү катышты. 

Паралимпиада оюндарына Өзбекстандан спорттун 9 түрү боюнча 65 параатлетчилер барган. Анын ичинен 10 спортчу алтын медалга ээ болсо, 9у күмүш, 7 спортчу коло медаль алган. Жалпы – 26 медаль.  Алар жалпы командалык таймашта 13-орунга, Азияда 3-орунга, түрк, ислам өлкөлөрүнүн жана КМШ өлкөлөрүнүн арасында 1-орунга чыгышты. 

Жолугушуунун жүрүшүндө 2028-жылы Лос-Анжелесте боло турчу Паралимпиадалык оюндарга даярдануу маселеси талкууланды. Өзгөчө көңүл спорттук дисциплиналарга катышууну кеңейтүүгө, даярдыктын деңгээлин жогорулатууга жана жогорку натыйжаларга жетишүүгө багытталган так стратегияны иштеп чыгуу зарылчылыгына бурулду. Спорттук медицинаны, фармакологияны жана диетологияны өнүктүрүү, ошондой эле паралимпиадачылар менен иштеген психологдордун ишмердүүлүгүн жандандыруу пландаштырылды.

Өзбекстан Республикасынын Президентинин 12-сентябрдагы жарлыгына ылайык Парижде өткөн XVII жайкы Паралимпиадалык оюндарда жогорку көрсөткүчтөргө жетишкен спортчулар менен машыктыруучулардын тобуна ардак наамдар, ордендер жана медалдар ыйгарылды. 

Аталган иш-чарада бул сыйлыктарды ээлерине тапшырылды.