Ош шаарынын 4 спортчусу Таэквондо ITF боюнча Дүйнөлүк Кубокто чемпион болушту
Ош шаарынын 4 спортчусу Таэквондо ITF боюнча Дүйнөлүк Кубокто чемпион болушту. Бул тууралуу Ош шаардык мэриясынын басма сөз кызматынан билдиришти.
Кубок 2-8-ноябрь күндөрү Ташкент шаарында өткөн. Ага Кыргызстандын улуттук курама командасынын курамында Ош шаарынан 13 спортчу катышып, алардын ичинен 4 спортчу алтын медаль, 3 спортчу күмүш медаль дагы 2 спортчу коло медаль тагынышты.
Мындан тышкары, үч спортчу курама командасынын курамында командалык спаррингдерде 2-орунду ээлешти.
Чемпионатка жалпы жонунан 34 өлкөдөн 1200гө жакын спортчу катышкан.
Мелдештер ар кандай категориялар жана спаррингдер боюнча өткөрүлдү.
Кыргыз курама командасы жалпы командалык эсепте 3-орунду ээледи.
Ош шаарынан медаль жеңип алган спортчулар:
- ► 1-орун
- Азимов Адиль (35 кг чейин, 10-11 жаш);
- Карашев Кудайназар (50 кг чейин, 12-13 жаш);
- Муйдинов Ясин (35 кг чейин, 12-13 жаш);
- Калибекова Каныкей (46 кг чейин, 16-17 жаш);
►2-орун
- Эрмаматов Умарали (45 кг чейин, 12-13 жаш);
- Джамалова Сафина (38+ кг, 8-9 жаш);
- Курманбекова Нагима (55 кг чейин, 14-15 жаш);
►3-орун
- Тургуналиева Аймина (46 кг чейин, 16-17 жаш);
- Абдисаламов Алихан (40 кг чейин, 12-13 жаш).
Командалык спаррингдерде:
►2-орун
- Базанова Медина жанаТургуналиева Аймина (16-17 жаш);
- Карашев Кудайназар (12-13 жаш).
Аталган Кубокто Ош шаарынын машыктыруучусу Фаррух Садыков калыстык кылды.