Ошто Евразиялык билим берүү көргөзмөсүнө 2,5 миңден ашык окуучу катышты

Ош шаарында Россиянын, Казакстандын жана Кыргызстандын жогорку окуу жайлары катышкан Евразиялык билим берүү көргөзмөсү өттү. Иш-чарага 2,5 миңден ашык мектеп окуучусу катышты.

Көргөзмөнүн ачылышына Россиянын Ош шаарындагы Башкы консулдугунун консулу Артур Фищук катышты.

Көргөзмөдө жогорку окуу жайлар информатика, инженерия, биотехнология, медицина, тоо-кен иши, металлургия жана гуманитардык багыттар боюнча билим берүү программаларын сунушташты.

Окуучулар үч өлкөнүн жогорку окуу жайларындагы адистиктер, билим алуу багыттары жана жогорку билимге ээ болуу мүмкүнчүлүктөрү менен таанышышты.