Кыргызстандын билим берүү тармагында 300 миңден ашык адам иштейт

Кыргызстанда билим берүү тармагында иштегендердин саны 2025-жылы 300,1 миң адамга жетти.

Улуттук статистика комитетинин маалыматына ылайык, бул өлкө экономикасында иштегендердин жалпы санынын 10,7 пайызын түзөт.

2021-жылы билим берүү тармагында 238,5 миң адам эмгектенген. Ошентип, төрт жылдын ичинде бул көрсөткүч 61 миңден ашык адамга көбөйгөн.

Өсүү жыл сайын байкалган. Тактап айтканда, 2022-жылы — 247,2 миң, 2023-жылы — 261,5 миң, 2024-жылы — 280,9 миң адам билим берүү тармагында иштеген.

Ал эми саламаттык сактоо жана социалдык тейлөө тармагында 2025-жылы 129,5 миң адам иштеген. 2021-жылы бул көрсөткүч 106 миң адамды түзгөн.