IOI-2025: Кыргызстандын окуучулары 2 коло медалга ээ болушту

2025-жылдын 27-июлунан 3-августуна чейин Боливиянын Сукре шаарында өткөн XXXVII Эл аралык информатика олимпиадасында (IOI) Кыргызстандын улуттук командасы 2 коло медаль жеңип алды.

Бул олимпиадага 84 өлкөдөн 330 окуучу, анын ичинде Кыргызстандан 3 окуучу катышты.

Коло медалга "Сейтек STEM" мектебинин 11-классынын окуучусу Алихан Айдарбеков менен Ош шаарындагы Сема лицейинин 9-классынын окуучусу Абдуллахан Абдирасулов ээ болду.

Ош шаарындагы Сема лицейинин 9-классынын окуучусу Али Арапов Ардак грамота менен сыйланды.

Окуучуларды даярдаган тренерлер:

• Кылычбек Урайымов
• Айдар Мундузбаев
• Тенгиз Беккойонов

Жалпы командалык орточо упай боюнча Кыргызстан 33-орунду ээлеп, өзүнүн билим деңгээлин дүйнөлүк деңгээлде тастыктады.