Кыргызстанда 1-класска электрондук каттоонун экинчи этабы башталды
Кыргызстанда бүгүн, 1-июндан тартып 1-класска электрондук каттоонун экинчи этабы башталды. Бул тууралуу Агартуу министрлигинени кабарлашты.
Маалыматта айтылгандай, бул этапта ата-энелер же мыйзамдуу өкүлдөр жашаган жерине карабастан, бош орундар бар мектептерге балдарын каттай алышат.
- Каттоо үчүн:
- 1mektep.edu.gov.kg порталына кириңиз;
- ата-эне же мыйзамдуу өкүл катары катталыңыз;
- жеке кабинетке кирип, «Өтүнмө берүү» баскычын басыңыз;
- мектепти жана окутуу тилин тандаңыз;
- арызыңызды ырастаңыз.
Эскерте кетсек, 2026–2027-окуу жылы үчүн 1-класска:
- 2019-жылдын 1-январынан 31-декабрына чейин төрөлгөн;
- 2020-жылдын 1-январынан 31-декабрына чейин төрөлгөн балдар кабыл алынат.