Кашка-Терек – Катранкы автомобиль жолунун 5 чакырымына асфальт төшөлүүдө

Жалал-Абад облусунун Сузак районундагы Кашка-Терек – Катранкы автомобиль жолунда асфальт төшөө иштери кызуу уланууда.

2026-жылга карата титулдук тизмеге ылайык, аталган жолдун 5 чакырым тилкесин асфальттоо каралган.

Учурда №22 Жол эксплуатациялоо мекемеси тарабынан иштер белгиленген графикке ылайык аткарылып, жолдун 1 чакырым аралыгына асфальт төшөлүп бүттү.

Бул жолдун оңдолушу менен аймактагы калктын коопсуз жана ыңгайлуу жүрүүсүнө шарт түзүлүп, айылдар арасындагы транспорттук байланыш жакшырат.

Жол куруу жана оңдоо иштери министрликтин көзөмөлүндө.