Араван районунда энергетиктер күз-кыш мезгилине даярдык көрүшүүдө

2025-2026-жылдардын күз-кыш мезгилине карата даярдык көрүү иштеринин алкагында “КУЭТ” ААКтын филиалы - Ош электр тармактары ишканасынын Араван РЭТи тарабынан утурумдук жана капиталдык оңдоп-түзөө иштери жүрүп жатат.

Учурда Төбө-Коргон жана Араван бөлүмчөлөрүндө утурумдук оңдоп-түзөө иштери КТПларда жасалууда. Бүгүнкү күндө, район аймагы боюнча төмөндөгү иштер аткарылды:

• 76 даана трансформатор техникалык кароодон өткөрүлдү;
• 0,4 кВ аба чубалгысында 121 км чубалгы техникалык тейлөөдөн өткөрүлдү;
• 10 кВ аба чубалгысында 31 км техникалык кароодон өттү;
• 5 даана КТП (комплекттүү трансформатордук пункт) техникалык кароодон өткөрүлдү.

2025-жылдын калган бөлүгүндө төмөнкү иштер пландаштырылган:

Техникалык тейлөө жана кароо:

• 364 даана трансформатор;
• 0,4 кВ аба чубалгысы – 499 км;
• 10 кВ аба чубалгысы – 329,33 км.

Капиталдык оңдоо:

• 10 кВ аба чубалгысы – 67 км;
• 75 даана КТП капиталдык ремонттон өтөт.

Капиталдык курулуш иштеринин алкагында:

• Жалпы 3 даана жаңы КТП орнотулат:
• 2 даана – Керме-Тоо айыл аймагына,
• 1 даана – Төбө-Коргон айыл аймагына.

10 кВ аба чубалгысында – 1,4 км курулуп, 60 даана электр мамычасы орнотулат.

• 0,4 кВ аба чубалгысы – 0,5 км курулуп, 117 даана электр тирөөчү орнотулат.
• 10 кВ чубалгынын реконструкциялоо (жаңылоо) – 1,5 км;
• 0,4 кВ аба чубалгысынын реконструкциялоо – 3,1 км;
• СИП өткөргүч – 3,5 км тартылат.

Мындан тышкары:

• 4 даана трансформатордун кубаттуулугу жогорулатылат;
• 3 даана эскилиги жеткен шкафтар жаңыларына алмаштырылат.

Араван РЭТи тарабынан жүргүзүлүп жаткан бул иштер аймактагы электр камсыздоонун сапатын жакшыртып, күз-кыш мезгилинде элди үзгүлтүксүз электр энергиясы менен камсыздоого багытталган.

Оңдоп-түзөө иштери ушул жылдын ноябрь айына чейин жүргүзүлүп, аяктайт.