Беш жылда Чаткал районунда 129 чакырым жолго асфальт төшөлдү 

Акыркы беш жылда Чаткал районунда 129 чакырым жолго асфальт төшөлдү. Бул тууралуу президент Садыр Жапаров 25-октябрда Жалал-Абад облусуна болгон иш сапарынын жүрүшүндө Чаткал районунун активи жана тургундары менен жолугушкан кезде билдирди. 

Анын айтымына караганда, 2026-жылы дагы 46 чакырым жолго асфальт төшөлүп, иштер улантылууда.

"Мындан тышкары, узундугу 217 чакырымды түзгөн Ала-Бука — Жаңы-Базар — Кировка автомобиль жолун оңдоо иштери жүргүзүлүүдө. Бүгүнкү күнгө карата 90 чакырым жолго асфальт төшөлгөн. Иштерди толук аяктап, жолду пайдаланууга жакынкы эки-үч жылдын ичинде берүү пландалууда", — деди мамлекет башчысы.