УКМК: Чет элдик радикалдуу үгүтчүнүн жаштарды өз катарына азгыруу аракети токтотулду

КР УКМК терроризмге каршы күрөшүү иш-чараларынын алкагында жакында эле келген, радикалдуу диний идеологияны колдогон чет элдик жарандын жергиликтүү жаштарды тартуу менен жашыруун топторду түзүүнү пландаган ишмердүүлүгүн токтотту. Аталган адам Кыргыз Республикасынан чыгарылып, өлкөгө кирүүгө узак мөөнөткө тыюу салынган.

КР УКМК чет өлкөлүк жарандарды Кыргыз Республикасынын мыйзамдарын так сактоого чакырат жана ыйгарым укуктуу мамлекеттик органдарда каттоодон өтпөстөн өлкө аймагында миссионердик ишмердүүлүк жүргүзбөөгө үндөйт. Бул талаптар массалык маалымат каражаттары, социалдык тармактар, мобилдик тиркемелер жана башка маалыматтык платформалар аркылуу диний үгүт-насаат иштерин жүргүзүүгө да тиешелүү.

Диний чөйрөдөгү мыйзам талаптарын бузуу кылмыш-жаза жана административдик жоопкерчиликке алып келет.