Баткен шаардык мэриясына 12,6 млн сомдук үч техника тапшырылды

Баткен шаардык мэриясына техникалар тапшырылды, деп билдирет президенттин облустагы өкүлчүлүгү.

Маалыматка ылайык, техникаларды сатып алуу үчүн Баткен облусун өнүктүрүү фондунан 8 млн сом, жергиликтүү бюджеттен 4 млн 692 миң 255 сом каржыланган.

Үч техниканын жалпы баасы 12 млн 692 миң 255 сомду түздү.

Асфальт тазалап-жуучу автоунаа

Бул техника – шаарда жолдорду жана көчөлөрдү механикалык тазалоо, чаңды басуу, суу чачуу, муниципалдык жана коммуналдык камсыздоо кызматтарын аткарууга ылайыктуу.

• Эвакуатор-манипулятор автоунаа

Бул техника –бузулган же жүрбөй калган техникаларды ташуу, атайын уналарды жүктөө, көтөрүү, шаар ичинде жана трассаларда кызмат аткарууга ылайыктуу.

• Самосвал Хово 10 тонналык унаа

Бул техника курулуш материалдарын ташуу (кум, шагыл, топурак) өндүрүш жана карьер иштеринде колдонууда кызмат аткарууга ылайыктуу.