БРИКС азырынча жаңы кеңейүүгө шашылбайт

БРИКС учурда кеңейтилген курамын бекемдөөгө, ошондой эле жаңы мүчөлөрдү жана өнөктөш өлкөлөрдү бирикменин ишине толук кандуу тартууга басым жасоодо. Бул тууралуу Индиянын өкмөтүндөгү булак БРИКСтин 12–13-сентябрда өтө турган саммитинин алдында билдирди.

Акыркы эки жылда бирикменин мүчөлөрүнүн саны беш өлкөдөн 11 өлкөгө чейин көбөйдү. Мындан тышкары, дагы 10 мамлекетке өнөктөш өлкө макамы берилди.

Учурда БРИКСтин алкагында министрлердин жана мамлекеттик органдардын жетекчилеринин деңгээлинде кызматташуу 35 багыт боюнча жүргүзүлүүдө. Булактын айтымында, Индия тарап жаңы мүчөлөрдүн конкреттүү долбоорлорго жана кызматташуу механизмдерине активдүү катышуусуна өзгөчө көңүл бурууда.

Ошол эле учурда бирикменин мындан ары кеңейүү маселеси ачык бойдон калууда. Индиянын өкмөтү жаңы мамлекеттерди кабыл алуу макулдашылган жол-жоболордун негизинде жүргүзүлөрүн, ал эми мындай чечим БРИКСке мүчө бардык өлкөлөрдүн консенсусун талап кыларын белгиледи.

2025-жылдын башынан тартып Өзбекстан өнөктөш өлкө макамын алган. Аны менен катар Беларусь, Боливия, Казакстан, Куба, Малайзия, Таиланд, Уганда, Нигерия жана Вьетнам да бул категорияга кирген.

Учурда БРИКСке 11 мамлекет — Бразилия, Россия, Индия, Кытай, Түштүк Африка Республикасы, Египет, Иран, Бириккен Араб Эмираттары, Сауд Аравиясы, Эфиопия жана Индонезия кирет.