Бишкекте токко урунган 9 жаштагы бала каза болду

Бишкекте токко урунган тогуз жаштагы бала каза болду. Бул тууралуу анын апасы социалдык тармактарда билдирди.

Окуя 26-июлда Бишкек шаарынын 6-кичи районундагы Айтиев көчөсүндөгү арыктардын жанында болгон.

Балдар көчөдө ойноп жүрүп, сууга жакындашкан. Бир нече бала электр тогун сезип, өздөрүн артка тартып кетүүгө үлгүрүшүп, бири-бирин эскертишкен.

Ал эми балдардын бири убагында алыстай албай, электр тогу уруп, четке ыргытып жиберген.

Бала эс-учун жоготкон абалда Тез жардам көрсөтүүчү шаардык балдар ооруканасынын жандандыруу бөлүмүнө жеткирилген.

Дарыгерлер анын абалын өтө оор деп баалап, бала өпкөнү жасалма дем алдыруучу аппаратка туташтырылган.

Медиктердин аракетине карабастан, баланы сактап калууга мүмкүн болгон жок.