Жыл башынан бери берилген микрокредиттердин эң чоң үлүшү Бишкекке туура келген

2026-жылдын биринчи кварталында Кыргызстанда эң көп микрокредит Бишкек шаарынын тургундарына берилди. Жалпы берилген насыялардын 31,1%ы борбор калаага туура келди.

Статистикалык маалыматтарга ылайык, микрокредиттөөнүн олуттуу көлөмү ошондой эле Ош облусунда – 15,5%, Жалал-Абад облусунда – 13,1% жана Чүй облусунда – 12,8% катталды.

Дал ушул аймактар өлкөдөгү микрокредиттөөнүн негизги борборлору болуп, насыя алуучулардын басымдуу бөлүгү ушул жерлерде топтолгон.

Жалпысынан 2026-жылдын январь–март айларында микрокредиттик уюмдар 806,9 миң жаранга 23,3 млрд сом өлчөмүндө микрокредит беришти.

Өткөн жылдын ушул мезгилине салыштырмалуу берилген микрокредиттердин көлөмү 23,3%га көбөйдү. Ал эми насыя алган жарандардын саны 342,8 миңден 806,9 миң адамга чейин, башкача айтканда, эки эседен ашык өстү.

Мындай өсүштүн негизги себептеринин бири онлайн-кредиттөөнүн активдүү өнүгүшү болуп саналат.