«Түндүк» жана мамлекеттик кызматтар порталы 13 саатка өчүрүлөт

«Түндүк» тиркемеси, Мамлекеттик электрондук кызматтар порталы жана БИС аркылуу авторизацияланган башка сервистер убактылуу жеткиликсиз болот. Бул тууралуу «Түндүк» ишканасынан кабарлашты.

Чектөө 10-июль саат 21:00дөн, 11-июль саат 10:00гө чейин болот.

Компаниядан санариптик кызматтардын убактылуу жеткиликсиз болушу Бирдиктүү идентификациялоо системасындагы пландаштырылган техникалык тейлөө иштерине байланыштуу экенин түшүндүрдү.