Өзгөндө турак үйдөн өрт чыгып, төрт жаш бала каза болду

Ош облусунун Өзгөн районундагы Мырза-Арык айылында турак үйдөн өрт чыкты. Бул тууралуу ӨКМдин Ош облусу боюнча башкармалыгы билдирди.

Маалыматка ылайык, тилсиз жоо тууралуу кабар 5-мартка караган түнү түшкөн.

Өрттү өчүрүүгө Өзгөн районунан эки өрт өчүрүү бөлүмү тартылып, тилсиз жоо саат 03:50дө толук өчүрүлгөн.

Кырсыктын кесепетинен 2018, 2020, 2021 жана 2023-жылы төрөлгөн төрт бала каза болгону айтылды.

Учурда өрттүн келип чыгуу себептери такталууда.

Тиешелүү кызматтар тарабынан териштирүү иштери жүргүзүлүүдө.