Күн сайын Кыргызстанда 40тан ашык нике бузулат

Кыргызстанда 2026-жылдын январь–июнь айларында 7 миң 359 ажырашуу катталган. Бул тууралуу Кыргызстандын Улуттук статистика комитети билдирди.

Бул күнүнө орточо эсеп менен 40тан ашык ажырашуу катталганын билдирет.

2025-жылдын ушул эле мезгилинде өлкөдө 6 миң 606 ажырашуу катталган. Ошентип, ажырашуулардын саны 753кө көбөйгөн.

Ажырашуулардын коэффициенти 1 миң адамга 1,8ден 2,0ге чейин өскөн.

Ошол эле учурда катталган никелердин саны да көбөйгөн. Тактап айтканда, 2025-жылдын январь–июнь айларында 18 миң 978 нике катталса, 2026-жылдын биринчи жарым жылдыгында бул көрсөткүч 20 миң 470ге жеткен.

Никелешүүнүн коэффициенти 1 миң адамга 5,2ден 5,6га чейин жогорулаган.