Өзбекстанда калк жана айыл чарба каттоосу өткөрүлөт

Өзбекстандын президенти Шавкат Мирзиёев 11-сентябрда жалпы калкты жана айыл чарба каттоосун уюштуруу боюнча сунуштар менен таанышты.

Эл каттоону өткөрүү калктын демографиялык жана социалдык-экономикалык мүнөздөмөлөрүн, жарандардын жыргалчылыгынын деңгээлин, ошондой эле айыл чарба тармагынын абалын аныктоо үчүн негизги мааниге ээ.

Өлкөдө акыркы жалпы эл каттоо 1989-жылы өткөрүлгөн. Акыркы жылдары бул процесске даярдык көрүү боюнча кадамдар жасалды, анын ичинде “Калкты каттоо жөнүндө” мыйзам кабыл алынып, сыноолордо эл каттоо жүргүзүлдү.