Төө-Ашуудагы туннелдин эки тарабы асфальтталууда

Төө-Ашууда жайгашкан Кусеин Көлбаев атындагы туннелдин айланасын иретке келтирүү иштери уланууда.

Транспорт жана коммуникациялар министрлигинин маалымат кызматынан кабарлашкандай, учурда туннелдин түндүк тарабында асфальттын биринчи катмары төшөлүп бүттү. Ал эми түштүк тарабында асфальт басуу иштери кызуу жүрүп жатат.

Мындан тышкары, Бишкек – Ош жолундагы туннелдин кире беришине автоунаалар үчүн токтоочу жайлар, эс алуу аймактары жана сүрөткɵ түшүү зоналары, ыңгайлуу шарттар менен даараткана куруу пландалууда.