Таласта мыйзамсыз менчиктештирилип кеткен жер тилкеси мамлекетке кайтарылды

Талас районунун прокуратурасы тарабынан жер жана мүлк мыйзамдарынын талаптарынын аткарылышына карата жүргүзүлгөн текшерүүнүн жүрүшүндө, 2000-жылы Талас районунун Көк-Ой айылындагы Талас токой чарбасына таандык 0,08 га жер тилкеси, ошондой эле Талас районунун Кең-Кол айыл өкмөтүндөгү аянты 25 чарчы метр болгон кампа курулмалары 0,12 га жер тилкеси менен биргеликте мыйзамсыз түрдө жеке менчикке өткөрүлүп кеткендиги аныкталган.

Көрүлгөн прокурордук чаралардын негизинде жалпы наркы 4 млн 798 миң сомду түзгөн, жалпы 0,20 га жер тилкелери жана кампа курулмалары мамлекеттик жана муниципалдык менчикке кайтарылды.