Баткенде 32 жаштагы жигитти атып кеткен шектүү кармалды 

Баткенде жайлоодо 32 жаштагы жигитти атып кеткен шектүү кармалды. Бул тууралуу облустук милициянын басма сөз кызматы кабарлайт. 

Белгилей кетсек, ушул жылдын 20-июнунда Баткен районундагы Кишемиш жайлоосунда адам өлтүрүү фактысы катталган. 

Бул факт боюнча КР Кылмыш-жаза кодексинин 122-беренесинин 2-бөлүмү ("Адам өлтүрүү") менен кылмыш иши козголуп, тергөө амалдары башталган.

Бүгүн, 22-июнда милиция кызматкерлери тарабынан Суу-Башы айыл аймагындагы Сары-Таш тилкесинде окуяга шектүү колго түшүп, райондук милиция бөлүмүнө жеткирилген. 

Учурда шектүү Баткен РИИБдин убактылуу кармоочу жайына киргизилди. Тергөө иштери улантылууда.