Бишкекте турак үйдөн өрт чыкты, жабыркагандар жок

Бишкек шаарынын Акылбеков көчөсүндө жайгашкан турак үйдөн өрт чыккан. Бул тууралуу ӨКМден кабарлашты. 

Кырсык 15-октябрда түнкү катталган. Жерине жалпы 3 бөлүм жана штаб тартылды.

"Ыкчам аракеттердин натыйжасында өрт саат 00:11де чектөөгө алынган. Ал эми толук өчүрүү саат 02:42де ишке ашты", – деп айтылат билдирүүдө. 

ӨКМдин Бишкек шаары боюнча башкармалыгынын ыкчам нөөмөтчүсүнүн берген маалыматына ылайык, тилсиз жоонун жалпы аянты болжол менен 200 чарчы метрди түзгөн.

Жабыркагандар жок.