Бишкекте мыйзамсыз орнотулган 36 жарнамалык конструкция алынды

Бишкектин Свердлов районунда мыйзамсыз орнотулган 36 жарнамалык объект демонтаждалды.  Бул тууралуу мэриядан кабарлашты. 

Рейд 2026-жылдын 13–14-июль күндөрү Бишкек шаарынын мэриясынын Жер пайдаланууну контролдоо  башкармалыгы тарабынан жүргүзүлгөн.

Иш-чаралар Чүй проспекти Жусуп Абдрахманов көчөсүнөн Курманжан Датка көчөсүнө чейинки бөлүгүндө жүргүзүлдү.

Рейддин жүрүшүндө жарнамалык баннерлер, көлөмдүү тамгалар, соода объектилеринин аталыштары жазылган көрнөк-жарнактар алынган.

Мэрия соода объектилеринин ээлерин жана ишкерлерди көрнөк-жарнактарын жана жарнамалык конструкцияларын белгиленген талаптарга өз убагында ылайык келтирүүгө, мыйзам талаптарын бузбоого чакырат.