Ысык-Көл районунда курал-жарак жана ок-дарыларды мыйзамсыз сактоо фактысы боюнча кечиктирилгис тинтүүлөр жүргүзүлдү

Кыргыз Республикасынын Кылмыш-жаза кодексинин 267-беренеси (Курал-жарактарды жана ок-дарыларды мыйзамсыз жүгүртүү) боюнча козголгон кылмыш ишинин алкагында Ысык-Көл РИИБ тарабынан жүргүзүлгөн ыкчам-иликтөө иш-чараларынын жүрүшүндө Орто-Өрүктү айылынын бир нече тургуну, анын ичинде мамлекеттик кызматкерлер, курал-жарактарды мыйзамсыз сактап, жапайы жаныбарларды атып жүргөндүгү боюнча маалыматтар аныкталган.

Иликтөөнүн жүрүшүндө шектүүлөрдүн өздүгү такталып, 2025-жылдын инь айынын башында алардын жашаган даректери боюнча кечиктирилгис жана мыйзамдуу тинтүүлөр жүргүзүлгөн. Тинтүүлөрдүн жүрүшүндө төмөнкү мыйзамсыз буюмдар жана курал-жарактар табылган:

1. 1973-жылы туулган А.А. аттуу жаранга таандык үйдүн короосундагы кампадан:

• 5 даана синтетикалык балык уулоочу тор;
• муздаткычтан полиэтилен баштыкка салынган, кара куурайдын өзгөчө жыты бар зат.

Ошондой эле, ушул эле жаранга таандык кашардан, темир сейфтин жанындагы кара түстөгү кол сумкадан төмөнкү буюмдар табылган:

• 12 даана сайсыз ок атуучу куралга тиешелүү 20-калибрдеги ок-дарылар (патрондор);
• белгисиз маркадагы бир стволдуу сайлуу ок атуучу курал;
• полиэтилен баштыкка салынган, кара куурайдын өзгөчө жыты бар зат;
• 3 даана сайлуу ок атуучу куралга тиешелүү ок-дарылар;
• ок чыгарууда колдонулуучу порох салынган пластик бөтөлкө;
• 67 даана тоголок бытыра (майда металл буюмдар).

2. 1981-жылы туулган Ж.К. аттуу жарандын үйү менен кампасынан:

• уруксаты жок эки ооздуу сайсыз ок атуучу курал;
• 8 даана сайсыз ок атуучу куралга тиешелүү ок-дарылар;
• 27 даана гильза;
• полиэтилен баштыкка салынган, кара куурайдын өзгөчө жыты бар зат.

3. 1970-жылы туулган Ж.Д. аттуу жарандан:

• бир ооздуу, болжол менен сайсыз ок атуучу курал;
• 9 даана сайлуу ок атуучу куралга тиешелүү болжолдуу ок-дарылар;
• 21 даана сайсыз ок атуучу куралга тиешелүү болжолдуу ок-дарылар;
• полиэтилен баштыкка салынган 20 даана 5×45 калибрдеги сайлуу ок-дарылар;
• бир даана синтетикалык балык уулоочу тор.

4. 1993-жылы туулган Ю.Ж. аттуу жаран тинтүүгө чейин өз ыктыяры менен тапшырган:

• уруксат кагазы бар 16-калибрдеги эки ооздуу сайсыз ок атуучу курал;
• уруксат кагазы бар, карабин үлгүсүндөгү, оптикасы бар сайлуу ок атуучу курал;
• оптикасы бар, уруксат кагазы жок ТОЗ (Гек) үлгүсүндөгү болжолдуу ок атуучу курал;
• 3 даана патронташ (ок-дарылар салынуучу жабдык);
• 7 даана 16-калибрдеги сайсыз ок атуучу куралга тиешелүү ок-дарылар;
• “Nikon” үлгүсүндөгү дүрбү;
• дальномер дүрбү;
• 4 даана ок атуучу куралдын уруксат кагазы;
• бир даана темирден жасалган балык кармоочу деге.

Табылган курал-жарактар, ок-дарылар, синтетикалык торлор жана башка буюмдар далил зат катары алынып, тиешелүү соттук-экспертизалар дайындалган. Алынган соттук-экспертизалардын жыйынтыктары менен иш материалдары Ысык-Көл райондук сотунун кароосуна өткөрүлдү.