Жээнбек Кулубаев Түркиянын эчиси Ахмет Садык Доганды кабыл алды

Тышкы иштер министри Жээнбек Кулубаев Түркиянын Кыргызстандагы элчиси Ахмет Садык Доганды кабыл алды. Бул тууралуу КР ТИМден билдиришти. 

Тараптардын жолугушуусу 16-сентябрда өтүп, анда кыргыз-түрк эки тараптуу кызматташтыгынын актуалдуу маселелери, анын ичинде өлкөлөр ортосундагы келишимдик-укуктук базаны кеңейтүү талкууланды.

Жогорку жана эң жогорку деңгээлдеги алдыдагы өз ара сапарларга, ошондой эле Түрк мамлекеттери уюмунун алкагындагы өз ара аракеттенүүгө өзгөчө көңүл бурулду.