Талас дарыясына агып кеткен өспүрүм табыла элек. Издөө иштерине 400 адам тартылды

Талас дарыясына агып кеткен 15 жаштагы өспүрүм төрт күндөн бери табыла элек. 

ӨКМдин Талас башкармалыгынан кабарлашкандай, бүгүн, 26-июнда таңкы саат 05:00дөн тарта издөө-куткаруу иштери кайрадан башталып, ага жалпы 400дөн ашык адам тартылган.

Издөө иштери дарыянын жээктеринде жана кооптуу тилкелеринде күчөтүлгөн тартипте жүргүзүлүп, бардык мүмкүн болгон аймактар кылдат текшерилүүдө.

ӨКМ тарабынан издөө-куткаруу иштери үзгүлтүксүз улантылып, кырдаал көзөмөлдө болууда.

Белгилей кетсек, окуя 23-июнда катталган.