Минура Абдыкалыкова төраганын басма сөз катчысы болуп дайындалды

Минура Абдыкалыкова Жогорку Кеңештин төрагасынын басма сөз катчысы болуп дайындалды.

Тиешелүү тескемеге төрага Марлен Маматалиев кол койду.

Минура Абдыкалыкова 2012-жылы Ж.Баласагын атындагы Кыргыз Улуттук университетин “Журналистика” адистиги боюнча аяктаган.  

2012-жылдан 2026-жылга чейин АКИpress маалымат агенттигинде бир катар кызматтарды аркалап келген.

Ошондой эле 2021-2023-жылдары Кыргыз Республикасынын ички иштер министринин коомдук башталыштагы жардамчысы болуп эмгектенген.