Кыргызстанда бир жумада 29 миңге жакын жол эрежесин бузуу фактысы катталды

Кыргызстандын аймагында 31-июлдан 6-августка чейинки аралыкта алдын ала маалымат боюнча, 28 миң 753 жол кыймылынын эрежесин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгынан (ЖКККББ) кабарлашты.

Маалыматка ылайык, анын ичинен:

• тиешелүү документтери жок транспорт каражатын башкаруу — 4 502;
• мас абалында унаа башкаруу — 415;
• транспорт каражаттарынын терезелерин мыйзамсыз караңгылатуу — 207;
• жөө жүргүнчүлөр катышкан жол кыймылынын эрежелерин бузуу — 841;
• транспорт каражаттарын эксплуатациялоо эрежелерин бузуу — 4 582;
• автоээнбаштык — 33;
• белгиленген ылдамдык чегинен ашуу — 1 567;
• жасалма мамлекеттик номер менен транспорт каражатын башкаруу — 8;
• башка жол кыймылынын эрежелерин бузуу фактылары — 13 357.

Жол кыймылынын эрежелерин бузгандыгы үчүн 3 241 транспорт каражаты убактылуу токтотуучу атайын жайларга киргизилди.

ЖКККББ айдоочуларды жана жөө жүргүнчүлөрдү жол кыймылынын эрежелерин так сактоого жана жолдогу коопсуздукка жоопкерчиликтүү мамиле кылууга чакырат.