Бишкекте 17 жаран жалпы суммасы 2,1 млн сомдон ашык камсыздандыруу төлөмдөрүн алышты

2026-жылдын 25-сентябрында Бишкек шаарынын мэриясынын жыйындар залында Бишкек шаарынын мэринин биринчи орун басары Кубанычбек Иманалиев Мамлекеттик камсыздандыруу уюмунун «Бишкек» филиалынын директору Марат Кудайбергенов жана камсыздандыруу төлөмдөрүн алган жарандар менен жолугушту.

Иш-чаранын алкагында 17 жаранга ОСАГО, ОСЖ жана ОСГОПП полистери боюнча жалпы 2 157 392 сом өлчөмүндө төлөм жүргүзүлдү.

Жалпысынан аймак боюнча камсыздандыруу төлөмдөрүнүн суммасы 3 350 425 сомду түздү.

Камсыздандыруу төлөмдөрү жарандарга финансылык колдоо көрсөтүп, күтүлбөгөн кырдаалдардын кесепетинен келип чыккан чыгымдарды жабууга жардам берет.