Ош шаарындагы Масалиев көчөсүндө жылуулук түтүктөрү алмаштырылат

Ош шаарындагы Масалиев кең көчөсүндө 5-июлдан тарта жылуулук тармактарын жаңылоо иштери башталат. Бул тууралуу мэриядан кабарлашты.

Маалыматка ылайык, ТК-9 жылуулук камерасынан №98 көп кабаттуу үйдүн тушундагы ТК-16 камерасына чейин 825 метр аралыктагы эски түтүк жаңысына алмаштырылат. Эски түтүктүн диаметри 325 мм болсо, жаңысы 530 мм болот.

Бул иштер шаарды кыш мезгилине даярдоо үчүн жүргүзүлүүдө. Максат — жылуулук берүүнү туруктуу жана сапаттуу кылуу, жылуулук жоготууларын азайтуу.

Иштер жүргөн убакта жолдо убактылуу чектөөлөр жана ыңгайсыздыктар болушу мүмкүн.

№1-троллейбус каттамы убактылуу токтотулат. Ал эми Курманжан Датка көчөсүндөгү иштер бүткөндүктөн №2-троллейбус каттамы кайра ишке кирет.