Сокулукта күз-кыш мезгилине даярдык 90 пайызга аяктады

Учурда өлкөнүн энергетика тармагында жабдууларды жаңылоо, модернизациялоо жана оңдоп-түзөө иштери жүрүп жатат. Бул тууралуу Энергетика министрлигинен кабарлашты. 

Маалыматка ылайык, Чүй электр тармактар ишканасынын Сокулук РЭТинде күз-кыш мезгилине карата даярдык иштери 90 пайызга аяктады.

Аткарылган иштериндин катарын төмөнкүлөр толуктайт:

• 209 даана трансформатор капиталдык оңдоодон;
• 797 даана трансформатор техникалык тейлөөдөн өткөрүлдү.

Мындан тышкары реконструкциялоо иштеринин алкагында:

• 20 даана жаңы трансформатор орнотулуп;
• 32 чакырым СИП кабелдери тартылды;
• 223 даана мамыча жаңы орнотулду;
• 14700 акылдуу эсептегич орнотулду.

Бул иштер алдыдагы күз-кыш мезгилин ийгиликтүү өтүү жана керектөөчүлөрдү сапаттуу электр энергиясы менен камсыз кылуу үчүн жасалууда.