Кыргызстандын аймагында бир жумада 25,5 миң жол эрежесин бузуу фактысы катталды

Кыргызстандын аймагында 25-сентябрдан 1-октябрга чейинки аралыкта 25 миң 591 жол эрежесин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгынан кабарлашты. 

Маалыматка ылайык, анын ичинен:

• тиешелүү документтери жок транспорт каражатын башкаруу — 4 592;
• транспорт каражатын мас абалында башкаруу — 355;
• унаалардын айнектерин мыйзамсыз караңгылатуу — 191;
• жөө жүргүнчүлөр тарабынан жол эрежелерин бузуу — 1 325;
• транспорт каражаттарын пайдалануу эрежелерин бузуу — 5 241;
• автоээнбаштык — 31;
• белгиленген ылдамдыктан ашыруу — 1 127;
• жасалма мамлекеттик каттоо номердик белгилери менен транспорт каражатын башкаруу — 7;
• жол эрежелерин бузуунун башка түрлөрү — 1 241.
• Жол эрежелерин ар кандай бузгандыгы үчүн 2 591 транспорт каражаты убактылуу айып короого киргизилди.

ЖКККББ айдоочуларды жана жөө жүргүнчүлөрдү жол кыймылынын эрежелерин так сактоого, жолдо этият жана жоопкерчиликтүү болууга чакырат.