Кыргызстанда эл аралык террористтик уюмдун жактоочуларынын арасында тинтүү жүргүзүлдү
КР УКМК органдары Ош ОИИБ менен биргеликте козголгон кылмыш ишинин алкагында эл аралык террористтик уюмдардын ишмердигине каршы күрөшүү боюнча иш-чаралардын жүрүшүндө ЭТУнун идеологиясынын жактоочулары жашаган 3 жер боюнча санкцияланган тинтүү иш-чараларын жүргүздү.
Тинтүү иштеринин натыйжасында тыюу салынган экстремисттик адабияттар жана буюмдар табылган (25 китеп, 1 телефон, 6 дептер, 5 баракча). Табылган буюмдар дин таануу экспертизасын жүргүзүү үчүн Кыргыз Республикасынын Юстиция министрлигине караштуу Мамлекеттик соттук-эксперттик мекемесине жөнөтүлдү.
Экспертизанын жыйынтыгы менен кылмыш ишинин фигуранттарына карата Кыргыз Республикасынын кылмыш-жаза мыйзамдарына ылайык чаралар көрүлөт.