Кыргызстанга кымбат баалуу уюлдук телефондорду мыйзамсыз алып кирүүгө аракет кылышкан

КР УКМК  Мамлекеттик Чек ара кызматы менен биргеликте "Ак-Жол" көзөмөл өткөрүү пункту аркылуу КРнын аймагына кымбат баалуу уюлдук телефондорду мыйзамсыз алып кирүү каналын токтотту.

Бул факты боюнча Кыргыз Республикасынын Кылмыш-жаза кодексинин 231-беренесинин 1-бөлүгүндө («Экономикалык контрабанда») жана 242-беренесинин 1-бөлүгүндө («Салыктарды жана бюджетке башка милдеттүү төлөмдөрдү төлөөдөн качуу») каралган кылмыш белгилери боюнча кылмыш иши козголду.

Учурда бул ишке тиешеси бар бардык адамдарды жана жагдайларды аныктоого багытталган зарыл болгон тергөө-ыкчам иш-чаралар жүргүзүлүүдө.