ЖКККББ: Кыргызстандын аймагында бир күндө 73 мас айдоочу кармалды

Кыргызстандын аймагында 26-октябрь күнү жол эрежесин бузган 4 миң 352 айдоочу аныкталды. Бул тууралуу Жол кыймылынын коопсуздугун камсыздоо башкы башкармалыгынан (ЖКККББ) билдиришти. 

Маалыматка ылайык, өлкө аймагында жол унаа кырсыктарынын алдын алуу жана коомдук коопсуздукту камсыздоо максатында дем алыш күндөрүнүн соңунда өлкө аймагында “Бахус” аталышында рейдтик иш-чарасын өткөрүлдү. 

Аныкталган 4,3 миң эреже бузуунун ичинде: 

• мас абалында унаа башкарган 73 айдоочу,
• карама-каршы тилкеге чыккан 35 айдоочу;
• ылдамдыкты ашырып айдаган 432 айдоочу;
• терезелерин мыйзамсыз караңгылаткан 15 айдоочу;
• тийиштүү докумменттери жок унаа башкарган 88 айдоочу кармалган.

Ошондой эле 234 автоунаа жол эрежелерин одоно бузгандыгы үчүн убактылуу токтотуучу айып короо жайына токтотулган.

ЖКККББ айдоочуларды жол эрежелерин так сактоого чакырат.