Нарын аэропортунун перрону толугу менен асфальтталды

Нарын шаарындагы Нарын аэропортунун перрон аянтчасында асфальттоо иштери толук аяктап, 14 700 м² аянтка асфальттын экинчи катмары төшөлдү. Бул тууралуу Транспорт жана коммуникациялар министрлигинин маалымат кызматы билдирет. 

Курулуш иштери “Кыргызавтожол-Түндүк” мамлекеттик ишканасына караштуу № 41 Жол тейлөө ишканасы тарабынан жүргүзүлдү.

Асфальттоо процессине заманбап техникалар тартылып, материалдар объекттин өзгөчөлүгүнө жараша тандалып колдонулду.

Курулуштун жүрүшү транспорт жана коммуникациялар министри Абсаттар Сыргабаевдин жеке көзөмөлүндө турду.