Бишкекте бир катар алдамчылыкка шектелген жаран кармалды

Бишкекте бир катар алдамчылыкка шектелген жаран кармалды, деп билдирет Ленин райондук милициясынын маалымат кызматы.

Билдирүүгө ылайык, 9-сентябрда Ленин райондук милициясына Бишкектин тургуну арыз менен кайрылган.

Анын айтымына караганда, М., аттуу жаран Кореядан автоунаа алып келип берем деп ишенимине кирип, 7 200 АКШ долларын алып из жашырып кеткен. 

Аталган факты боюнча кылмыш иши козголгон.

Териштирүүнүн жүрүшүндө кылмышка шектүү катары 1992-жылы туулган К.М., аттуу жаран кармалган. Ал Тергөө кызматына жеткирилип, Бишкек ШИИБдин убактылуу кармоочу жайына киргизилген.

Учурда шектүүнүн башка иштерге тиешеси бар жогу аныкталууда.