Кыргызстан кашык менен вилкалардын импортун дээрлик үч эсе көбөйттү

2026-жылдын алгачкы беш айында Кыргызстанга 25,1 тонна кашык, айры, чоң кашык (половник) жана ушул сыяктуу ашкана шаймандары импорттолгон. Бул тууралуу Улуттук статистика комитетинин маалыматы күбөлөндүрөт.

2025-жылдын январь–май айларына салыштырмалуу импорттун көлөмү 2,9 эсеге көбөйгөн. Былтыр ушул эле мезгилде өлкөгө 8,6 тонна мындай продукция алынып келинген.

Импорттун жалпы наркы эки эсеге өсүп, 12,1 млн сомду же 137,9 миң АКШ долларын түзгөн.

Продукциянын негизги бөлүгү Кытайдан импорттолгон. Бул өлкөдөн 17,6 тонна ашкана шайманы 48,6 миң АКШ долларына алынып келинип, жалпы импорттун көлөмүнүн болжол менен 70%ын түзгөн.

Ошол эле учурда наркы боюнча эң ири жеткирүүчү Франция болду. Бул өлкөдөн болжол менен 0,2 тонна ашкана шайманы 49,8 миң АКШ долларына импорттолгон.

Россиядан 4 тонна продукция 11,1 миң АКШ долларына, Түркиядан 2,5 тонна 5,3 миң АКШ долларына, Германиядан 0,3 тонна 13,2 миң АКШ долларына алынып келинген.

Мындан тышкары, Вьетнам, Казакстан, Италия, Литва, Бириккен Араб Эмираттары, АКШ, Өзбекстан жана башка өлкөлөрдөн да жеткирүүлөр жүргүзүлгөн.