2026-жылы Кыргызстандан 9 357,3 тонна кант экспорттолду

2026-жылы Кыргызстандан 9 357,3 тонна кант экспорттолду. Кант өндүрүшүн өнүктүрүү жана ата мекендик продукциянын экспорттук мүмкүнчүлүгүн кеңейтүү багытында иштер уланууда.

Быйыл өлкө боюнча кант кызылчасы 11 800 гектар жерге айдалды. Кант кызылчасын өстүрүү жана кант өндүрүшүн өнүктүрүү өлкөнүн азык-түлүк коопсуздугун камсыз кылуу менен бирге, кайра иштетүү өнөр жайынын туруктуу иштешине жана ата мекендик продукциянын экспорттук мүмкүнчүлүгүн кеңейтүүгө шарт түзөт.

Кант кызылчасын өстүрүүдө өндүрүмдүүлүктү жогорулатуу, заманбап агротехнологияларды колдонуу жана кайра иштетүүчүлөр менен дыйкандардын өз ара байланышын күчөтүү боюнча иштер жүргүзүлүүдө.

Министрлик айыл чарба продукциясын өндүрүүнүн көлөмүн көбөйтүү, кайра иштетүү тармагын өнүктүрүү жана ата мекендик продукцияны тышкы рынокторго чыгарууну кеңейтүү багытындагы иштерди улантууда.