Бишкектин чок ортосунда Rox Center – жаңы архитектуралык жана ишкердик борбору ачылды
2026-жылдын 15-январында Rox Group компаниясы Бишкектин чок ортосунда – Чүй проспектисинде жайгашкан Rox Center имаратын расмий түрдө ачты. Адылбек Касымалиев салтанаттуу иш-чаранын ардактуу коногу болду.
Премьер-министр иш сапарынын алкагында Ай-Пери имаратынын тарыхы жана жаңылануу этаптары менен таанышып, куруучу тараптын аны калыбына келтирүү жана трансформациялоо жолу тууралуу презентациясын кунт коюп укту.
Аны менен катар RCA Living инвестору Кыргызстандагы Rox Group компаниясынын негизги жетишкендиктерин, анын ичинде RCA Living, Rox Energy жана Rox Living Global сыяктуу бренддеринин өнүгүшүн көрсөттү.
Rox Center “Мурасты жандандыруу” философиясына таянуу менен Ай-Пери тарыхый имаратка жаңы жашоо берип, аны таанымал архитектуралык объектиге айландырды. Анда тарыхый баалуулуктар кылдаттык менен сакталып, заманбап, динамикалуу архитектура менен шайкештирилген. Бишкектин борбордук кесилишиндеги тарыхый имаратта жайгашкан Rox Center маданий мурасты сактоо жана аны шаардын заманбап өнүгүү контекстине интеграциялоодо салмактуу мамиленин ачык мисалы болуп калды.
Кылдаттык менен сакталган классикалык архитектуралык элементтер заманбап чечимдер менен айкалышып, имараттын салтанаттуу, көрктүү жана салабаттуу көрүнүшүн түздү. Терең изилдөөлөрдүн жана ар бир деталдын үстүнөн тырышчаактык менен иштөөнүн натыйжасында Rox Center RCA Living, ROX Energy жана ROX Living Global компаниялары үчүн заманбап, креативдүү жана профессионалдуу жумушчу мейкиндигине айланды.
Rox Centerде архитектурага гана эмес, жашоо тажрыйбасын калыптандырууга да өзгөчө көңүл бурулган — алдыңкы технологиялар көркөм инсталляциялар менен айкалышкан жер. «Ыңгайлуулукту жаратуу» ураанынын астында конокторго Royal Central Park мегадолбоорунун all-in-one концепциясы долбоордун макети, демонстрациялык батирлер жана заманбап, ыңгайлуу, гармониялуу жашоо образынын масштабын, инфраструктурасын жана философиясын көрүүгө мүмкүндүк берген технологиялык чечимдер аркылуу тартууланды.
Адылбек Касымалиев иш сапарынын соңунда Вьетнамдын "Rox Group" компаниясы тарабынан ишке ашырылып жаткан "Royal Central Park" ири инвестициялык долбоорунун курулуш аянтына барды.
Компаниянын өкүлү курулуш иштеринин жүрүшүн тааныштырып, «Royal Central Park» долбоору заманбап көп функционалдуу комплекс катары турак жай жана коомдук жайларды бириктирүү максатында иштелип чыкканын белгиледи.
Министрлер кабинетинин башчысы масштабдуу курулуш иштерин жүргүзүүдө сапат стандарттарын жана экологиялык нормаларды сактоонун маанилүүлүгүн, ошондой эле мындай инвестициялык долбоорлордун борбор калаанын архитектуралык көрүнүшүн жана инфраструктурасын жаңылоодогу ролун баса белгиледи. Ал ошондой эле мамлекеттин бизнести колдоо саясатына көңүл бурду.
"Министрлер кабинети инвесторлор үчүн мүмкүн болушунча ыңгайлуу шарттарды түзүүгө бардык күч-аракетин жумшап жатат. Өкмөттүн эшиги силер үчүн суткасына 24 саат, жумасына жети күн ачык", – деп билдирди Министрлер кабинетинин төрагасы.
Адылбек Касымалиев жумуш сапарынын жыйынтыгында, Бишкек шаарынын инфраструктурасын мындан ары өнүктүрүү жана маанилүү инвестициялык демилгелерди ыкчам коштоо боюнча тиешелүү шаардык кызматтарга жана мамлекеттик органдарга бир катар тапшырмаларды берди.
Rox Group келечекке болгон өзүнүн көз карашын ырааттуу түрдө калыптандырууда жана ошол эле учурда Бишкек шаарын заманбап, туруктуу жана жашоонун жогорку сапатына багытталган шаар катары өнүктүрүүгө салымын кошууда.
Борбордук Азиядагы өнүгүү жолу – бул узак мөөнөттүү жана системалуу стратегия. Кийинки этапта Rox Group тарыхый мурастарды сактоо, маданий баалуулуктарды жайылтуу жана ROX тобунун инвестициялык, өнүктүрүү жана башкаруу ишмердүүлүгүнө алдыңкы эл аралык тажрыйбаларды киргизүү жаатында Бишкек шаары менен кызматташууга берилгендигин ырастоону улантат.