Рейд учурунда мыйзамсыз товарларды алып кирүүгө тыюу салынды

Мамлекеттик салык кызматынын кызматкерлери Кыргыз Республикасынын Улуттук коопсуздук мамлекеттик комитетинин Чүй облусу боюнча башкармалыгы менен биргеликте «Ак-Жол» контролдук-өткөрмө пунктунун аймагында жүргүзүлгөн рейддик иш-чаралардын жүрүшүндө эл керектөөчү товарларды өлкө аймагына мыйзамсыз алып кирүүгө бөгөт коюшту.

Иш-чаралардын жүрүшүндө ЕАЭБ өлкөлөрүнөн келген кичи автобустар текшерүүгө алынды. Текшерүүнүн жыйынтыгында тиешелүү коштомо документтери жок алып келинген самын каражаттары, кондитердик азыктар жана ар түрдүү тамак-аш продукциялары аныкталды.

Аталган фактылар боюнча тиешелүү актылар түзүлдү. Азыркы учурда эсепке алынбаган товарлардын жалпы баасын аныктоо иштери жүргүзүлүүдө.