Россиядан Кыргызстанга которулган акчанын көлөмү рекорддук көрсөткүчкө жетти: Өсүш дээрлик 17%

2025-жылдын 11 айында Россиядан Кыргызстанга акча которуулардын көлөмү 2 млрд 990 млн долларды түздү. Бул тууралуу аймактагы өлкөлөрдүн борбордук банктарынын статистикасына талдоо жүргүзгөн «РБК» маалымдады.

Мурунку мезгилдерге салыштырмалуу өсүш 16,7% болду.

Эксперттердин белгилешинче, Кыргызстан россиялык жарандар жана бизнес үчүн эң ыңгайлуу каржы хабдарынын бири бойдон калууда.

Артыкчылыктардын катарына компанияларды жөнөкөй каттоо, банктык комплаенске коюлган талаптардын салыштырмалуу жеңилдиги, салыктардын төмөндүгү, ыңгайлуу мыйзамдык база, анын ичинде криптовалюталар менен мыйзамдуу иштөө мүмкүнчүлүгү кирет.

Ошол эле учурда аймактагы башка өлкөлөргө которуулар азайган. Мисалы, Арменияга түшкөн каражаттар 59% га төмөндөп, 1,3 млрд долларды түздү, Грузияга – 13,6% га, Казакстанга – 21,8% га кыскарып, 2021-жылдагы деңгээлге кайтып келди.

Кыргызстанга которуулардын өсүшү россиялыктар үчүн банктык кызматтардын жеткиликтүүлүгү менен байланыштуу экени айтылууда: эсеп ачуу, интернет-сервистерди жана онлайн сатып алууларды төлөө, ошондой эле валюталарды диверсификациялоо мүмкүнчүлүгү.

Аналитиктердин пикиринде, акча агымдарынын туруктуу өсүшү Кыргызстанды жеке адамдар жана туруктуу каржы инфраструктурасына кызыккан бизнес үчүн жагымдуу өлкө катары тастыктайт.