Кыргызстандын жергиликтүү бюджеттеринин кирешеси 35%га өстү

Кыргызстандын жергиликтүү бюджеттеринин кирешеси 2026-жылдын январь–июнь айларында 47 млрд 157,1 млн сомду түздү. Бул тууралуу Кыргызстандын Улуттук статистика комитети билдирди.

2025-жылдын биринчи жарым жылдыгына салыштырмалуу кирешелер 12 млрд 213,4 млн сомго же 35%га өскөн.

Жергиликтүү бюджеттердин чыгашалары 35 млрд 843,3 млн сомду түзүп, 25,2%га көбөйгөн.

Натыйжада жергиликтүү бюджеттер 11 млрд 313,8 млн сом профицит менен аткарылды. Өткөн жылдын ушул мезгилинде профицит 6 млрд 317 млн сомду түзгөн.