Кыргызстандагы 773 айылга таза суу киргизилет

Суу ресурстары, айыл чарба жана кайра иштетүү өнөр жайы министрлигине караштуу Ичүүчү суу менен камсыздоону жана саркынды сууларды чыгарууну өнүктүрүү департаменти тарабынан Республика боюнча 2026-жылдан тартып 773 айылда таза суу долбоорлорун ишке ашыруу каралууда.

Анын ичинен:

* Курулуш-монтаждоо жумуштары баскычы: 120 айылда курулуш монтаждоо жумуштары жүрүп жатат.

* Долбоорлоо: 229 айыл боюнча долбоор-сметалык документация даярдалууда.

* Сатып алуулар: 27 айыл боюнча курулуш жумуштарына тендер өткөрүлүүдө. Белгилей кетсек, маалымат өзгөрүп турат.

* Долбоорлоого даярдык: 219 айыл ДСД даярдоого документтер топтолууда, анын ичинен 95 айылга иш-кагаздар толугу менен топтолду.

* Техникалык-экономикалык негиздеме: 177 айылда ТЭН даярдалууда.