Чаткал районунун бар катар айылдары таза суу менен камсыз болот

Жалал-Абад облусунун Чаткал районунун Каныш-Кыя айыл аймагынын Жаңы-Базар, Курулуш, Ак-Таш айылдарынын таза суу маселесин чечүү максатында жеринде жумуштар аткарылып, долбоордук-сметалык документтер даярдалып, мамлекеттик экспертизадан өткөрүлдү. Учурда курулуш иштерин баштоо боюнча тендерге берүү процесси жүрүп жатат. Аталган маселе 2024-жылы өткөн III Элдик Курултайда Чаткал районунан келген делегаттар тарабынан көтөрүлгөн.

Долбоордун жыйынтыгында Жаңы-Базар, Курулуш, Ак-Таш айылдарына жалпы узундугу 9800 метр суу түтүгү тартылып, 1058 кожолук таза суу менен камсыз болот. Долбоордун жалпы сметалык баасы 146.700 млн сомду түзөт.

Белгилей кетсек, 2025-жылга карата Министрликке III Элдик Курултайдын делегаттарынан келип түшкөн суроо-талаптардын негизинде жалпы 410 пункттан турган иш-чаралар планы бекитилген. Анын ичинен 50 иш-чара (12%) аткарылган, 360 иш-чара (88%) аткарылууда, аткарылбай калган иш-чара жок.

Кайрылуулардын басымдуу бөлүгү ирригация (60%) жана таза суу маселелерине (23%) тиешелүү. Стратегиялык маанидеги маселелер учурда аткарылууда.